デポルティーボ・ラ・コルーニャさんのインスタグラム動画 - (デポルティーボ・ラ・コルーニャInstagram)「Na A de Álex Na B de Bergantiños Na C de Coruñés e Capitán Comprometido Nas boas, e nas malas moito máis, ti sempre con nós, nós sempre contigo, neno! Seguimos xuntos Álex, #tocavolversemollar! #éDÉxustiza Alejandro Bergantiños García (A Coruña, 7 de xuño de 1985) renovou o seu compromiso co deportivismo, ao prolongar o seu contrato dúas temporadas máis. Con 254 aparicións coa camiseta branquiazul, Álex é o 26º xogador con máis partidos oficiais na historia do Club, empatado con Diego Tristán e moi preto de Pedrito (262), Djukić (271), Ballesta (278), Alfonso Castro (280) e Naybet (284). Pasaron pouco máis de 9 anos do seu tardío debut co primeiro equipo deportivista, pois antes de dar o salto foi cedido a Xerez durante dúas campañas, mentres que noutra máis estivo a préstamo na Granada e o Gimnàstic de Tarragona. Álex estreouse co Dépor con 26 anos, o 27 de agosto de 2011, en partido de Segunda División en Riazor ante o Recreativo de Huelva (1-0). A pesar das habituais cesións, Álex pertence á disciplina deportivista desde que ingresou no Club sendo xuvenil, en 2002. Desde a súa chegada procedente do Imperátor, Álex está a comezar a súa 19ª temporada como futbolista branquiazul. Álex sempre demostrou ser un exemplo de responsabilidade fóra do campo e de compromiso e limpeza dentro del. Isto último demóstrao o feito de que nos seus máis de 400 partidos no fútbol profesional nunca viu unha cartolina vermella.」10月6日 2時06分